उपसभामुख‚ महासचिव लगायतविरूद्ध परेका उजुरीबारे राज्य व्यवस्था समितिमा आज छलफल

राजनीति

उपसभामुख‚ महासचिव लगायतविरूद्ध परेका उजुरीबारे राज्य व्यवस्था समितिमा आज छलफल

Jagaransanchar |
पुस २२, २०८१

काठमाडौँ । प्रतिनिधिसभा अन्तर्गत रहेको राज्य व्यवस्था तथा सुशासन समितिको आज बस्ने बैठकमा समितिमा प्राप्त निवेदन तथा उजुरीहरूका सम्बन्धमा छलफल हुँदैछ । समिति सभापति रामहरि खतिवडाका अनुसार समितिमा ६० भन्दा बढी उजुरी परेको र उक्त उजुरी समिति सदस्यहरूलाई वितरण गरिने छ ।

‘आएका उजुरीहरू कुन हाम्रो अधिकार भित्र पर्छन् पर्दैनन् त्यसबारे सामान्य छलफल हुन्छ । उजुरीलाई कसरी सम्बोधन गरेर जाने विषयमा पनि हामी छलफल गर्छौँ‚’ उनले भने ।

सभापति खतिवडाका अनुसार समितिमा उपसभामुख इन्दिरा राना मगर‚ संसद् महासचिव पद्यप्रसाद पाण्डे‚ एआइजी श्याम ज्ञवाली लगायतका विरुद्ध उजुरी परेको छ । बैठक दिउँसो १ बजेका लागि बोलाइएको छ ।