काठमाडौं । कम्प्युटर एसोसिएसन नेपाल (क्यान महासंघ)को अध्यक्षमा सुनैना घिमिरे पाण्डे निर्विरोध चयन भएकी छिन् ।
नयाँ कार्यसमिति चयनका लागि बुधबार भएको अध्यक्ष पदमा पाण्डेको मात्रै मनोनयन दर्ता भएकाले उनी निर्विरोध चयन हुने क्यान महासंघका महासचिव चिरञ्जीवी अधिकारीले बताए ।
महासचिव अधिकारीका अनुसार क्यान महासंघको ३१औं वार्षिक साधारणसभा तथा १५औं महाधिवेशनबाट संस्थाले पहिलो महिला अध्यक्षको रुपमा सुनैना घिमिरे पाण्डेलाई पाउने भएको हो।
पुस १३ गते शनिबार क्यान महासंघको १५औं महाधिवेशन हुँदैछ । पाण्डेले यसअघि क्यान महासंघको विभिन्न भूमिकामा रहेर काम गरेकी छिन् ।